[Naluya [gumikan sa kahidlaw]].

Lagmit nga usa ka anak nga lalaki ni Barzilai. Sa dihang ang tigulang nga si Barzilai mibalibad sa pagdapit nga mahimong membro sa palasyo ni Haring David ug mirekomendar kang Kimham nga maoy mouban puli kaniya, si David mitubag: “Si Kimham mouban kanako sa pagtabok [sa Jordan], ug akong buhaton kaniya ang maayo sa imong mga mata; ug ang tanang buot nimong pangayoon kanako akong buhaton alang kanimo.” (2Sa 19:​33, 37-40) Dayag nga si Kimham nagpabilin sa palasyo sa hari, ingon sa gipaila sa kataposang mga instruksiyon ni David kang Solomon. (1Ha 2:7) Gihisgotan sa Jeremias 41:17 ang “dapit-abotanan ni Kimham” duol sa Betlehem. Wala mahibaloi kon kini nagtumong ba kang Kimham sa panahon ni David o sa usa ka tawo sa ulahi nga may samang ngalan. Ang ubang mga komentarista nag-ingon nga si Kimham lagmit gihatagan ug yuta tungod sa iyang pag-alagad kang David, o kadto maoy usa ka dapit diin si Kimham nagtukod ug dapit-abotanan alang sa mga magpapanaw.