Ang orihinal nga Hebreohanong pulong nga gihubad nga lanot gisabot nga nagtumong sa gaspangon, mugbo nga mga lanot sa lino. Ang lanot daling masunog. Sa dihang gigapos ni Delila si Samson pinaagig basabasa pa nga mga ugat, dali ra niyang gibugto kini, “ingon sa linubid nga hilo [sa lanot] nga mabugto sa dihang makasimhot kinig kalayo.” (Huk 16:​8, 9) Gimando ni Jehova nga taliwala sa iyang karaang katawhan ang mga daotan ug ang ilang mga buhat mangahanaw, nga nag-ingon: “Ang mabaskog nga tawo tino nga mahimong lanot, ug ang bunga sa iyang kalihokan usa ka aligato; ug silang duha tinong magdungan sa pagdilaab, nga walay magapalong.”​—Isa 1:​24, 31.