Usa ka dapit nga gihisgotan diha sa kinaunahang kahubitan sa Canaanhong utlanan. (Gen 10:19) Ang tukmang nahimutangan niini dili matino. Ang Lasa mahimong “duol” sa Zeboiim (NW; JP [1962 nga edisyon]) o kaha ang Canaanhong utlanan miabot gikan sa palibot sa Zeboiim “hangtod” sa Lasa. (AT; RS; JB) Pinasukad sa paghubit ni Jerome ug sa Hudiyohanong tradisyon, daghan ang nagtuo nga ang Lasa nahimutang sa Callirrhoe, duol sa sidlakang baybayon sa Patayng Dagat ubos sa Wadi Zarqa Maʽin. Ang uban nagtuo nga ang Lasa mao ang Lais (Dan).