Sa paghablon, kini mao ang mga hilo nga buyon sa gitas-on sa panapton. Ang mga hilo nga ihablon pababag sa ibabaw ug sa ilalom sa lindog sa hablon gitawag ug hulog sa hablon. Sa dihang susihon sa mga saserdote sa Israel ang hinablon nga mga panapton tungod sa sanla, pareho nilang susihon ang lindog ug ang hulog sa hablon.​—Lev 13:47-59; tan-awa ang SANLA (Diha sa mga besti ug sa mga balay); PAGHABLON.

Sa dihang mahimo na ang panapton, putlon sa maghahabol ang mga lindog sa hablon, kuhaon ang panapton ug ibilin ang tumoy sa mga lindog sa hablon nga gihigot sa hablanan. Si Haring Ezequias naghisgot niini sa paghinumdom sa iyang grabeng sakit sa dihang siya nagtuo nga ang Diyos hapit nang magputol sa iyang kinabuhi, nga magputol kang Ezequias “gikan sa mga hilo mismo sa lindog sa hablon” pinaagig ahat nga kamatayon.​—Isa 38:9-12.