Ang apohang babaye ni Timoteo ug dayag nga mao ang inahan sa iyang inahan nga si Eunice. Ang hubad sa Syriac nga “inahan sa iyang inahan” nagpakita nga siya dili apohan ni Timoteo sa amahan. Si Loida gidayeg ni Pablo, kinsa nagpaila kaniya nga usa ka Kristohanong babaye nga dunay  “pagtuo nga walay pagkasalingkapaw.” (2Ti 1:5) Lagmit nga ang pinuy-anan sa pamilya maoy sa Listra. (Buh 16:​1, 2) Ang pagtandi sa 2 Timoteo 1:5 ug 2 Timoteo 3:15 nagsugyot nga si Loida ug Eunice nagtudlo kang Timoteo gikan sa Kasulatan.