[Heb., tse·ʼelimʹ (plural)].

Ang tunokong lotus (Zizyphus lotus) maoy usa ka daghag sanga nga kahoykahoy o mubo nga kahoy, nga sagad may gitas-on lamang nga 1.5 m (5 p). Ang mga dahon gagmay, linginon, ug gahion, ug sa punoan sa matag dahon adunay duha ka tunok. Gihisgotan lamang kini diha sa Job 40:​21, 22, nga naghisgot sa Behemot (ang hippopotamus) ingong nagalubog diha sa landong niini nga kahoy. Bisan tuod nga kining kahoya makaplagan sa ugang mga dapit sa Palestina, ang A Dictionary of Life in Bible Times naghisgot bahin niini ingong “milambo diha sa init ug umogon nga kalamakan” sa A nga Aprika.​—Ni W. Corswant, Suffolk, 1960, p. 177.