[Buhat ni Jehova].

1. Usa ka Levihanong maghohoni sa ikaduhang dibisyon nga nagpatugtog sa kinuldasang tulonggon sa dihang ang arka ni Jehova gidala ngadto sa Jerusalem gikan sa balay ni Obed-edom sa adlaw ni David.​—1Cr 15:​17-20, 25.

2. Usa sa “mga pangulo sa ginatos” nga nakigsaad uban sa Hataas nga Saserdoteng si Jehoiada may kalabotan sa pagpalingkod kang Jehoas ingong ang may katungod nga hari sa Juda puli sa mangingilog nga si Atalia.​—2Cr 23:1.

3. Usa ka opisyal ilalom sa pagdumala ni Hananias nga usa ka prinsipe ni Haring Uzzias sa Juda. Dayag nga siya adunay kalabotan sa pagrehistro sa kasundalohan ni Uzzias.​—2Cr 26:11.

4. Ang “anak nga lalaki sa hari” (usa ka kaliwat ni Haring Ahaz sa Juda o lagmit usa ka opisyal nga harianon ug kaliwat) kinsa gipatay ni Zikri nga Epraimnon sa dihang si Peka sa Israel misulong sa Juda.​—2Cr 28:​1, 6, 7.

5. Ang pangulo sa siyudad sa Jerusalem ug usa sa mga tawo nga gipatawag ni Haring Josias aron sa pag-ayo sa balay ni Jehova.​—2Cr 34:8.

6. Usa ka saserdote ug amahan sa usa ka Sofonias, nga katalirongan ni Jeremias.​—Jer 21:1; 29:25; 37:3.

7. Amahan ni Zedekias, nga usa ka mini nga manalagna sa adlaw ni Jeremias.​—Jer 29:21.

8. Anak nga lalaki ni Salum nga magbalantay sa pultahan ug dayag nga usa ka Levihanon. Ang usa ka lawak-kan-anan sa templo gilangkit sa iyang ngalan.​—Jer 35:4.

9. Usa sa mga anak nga lalaki sa mga saserdote, nga sakop sa balay ni Jesua, lakip niadtong nangasawa ug langyawng mga asawa apan nagpapahawa kanila sa panahon ni Esdras.​—Esd 10:​18, 19, 44.

10. Usa ka saserdote “sa mga anak ni Harim,” nga lakip niadtong nagminyo ug langyawng mga asawa apan nagpapahawa kanila sa panahon ni Esdras.​—Esd 10:​21, 44.

11. Usa ka saserdote “sa mga anak ni Pasur,” nga lakip usab niadtong nagpapahawa sa ilang langyawng mga asawa.​—Esd 10:​22, 44.

12. Usa ka Israelinhon “sa mga anak ni Pahat-moab,” nga lakip niadtong nagpapahawa sa ilang langyawng mga asawa.​—Esd 10:​25, 30, 44.

13. Amahan o katigulangan sa usa ka Azarias, usa sa mga nag-ayo sa paril sa Jerusalem ubos sa pagdumala ni Nehemias.​—Neh 3:23.

14. Usa ka tawo nga nagtindog dapit sa tuong kamot ni Esdras sa dihang iyang gibasa ang Balaod ngadto sa mga Israelinhon nga nagkatigom sa Jerusalem.​—Neh 8:​2, 4.

15. Usa ka Levihanon nga mitabang sa saserdoteng si Esdras pinaagi sa pagpatin-aw sa Balaod ngadto sa mga Israelinhon nga nagkatigom sa Jerusalem.​—Neh 8:7.

16. Usa sa “mga pangulo sa katawhan” kansang kaliwat, kon dili man siya mismo, nagpamatuod pinaagi sa timbre sa “kasaligang kontrata” sa panahon ni Nehemias.​—Neh 9:38; 10:​1, 14, 25.

17. Usa ka tawo sa Juda nga mipuyo sa Jerusalem human mobalik gikan sa pagkadestiyero sa Babilonya. (Neh 11:​4, 5) Lagmit siya mao ang Asaias sa 1 Cronicas 9:5.​—Tan-awa ang ASAIAS Num. 4.

18. Usa ka Benjaminhon nga katigulangan ni Sallu, usa ka pumoluyo sa Jerusalem sa panahon ni Nehemias.​—Neh 11:7.

19. Usa ka saserdote nga nakigbahin sa pagpahinungod sa paril sa Jerusalem sa panahon ni Nehemias.​—Neh 12:41.

20. Laing saserdote nga nakigbahin sa pagpahinungod sa paril sa Jerusalem sa adlaw ni Nehemias.​—Neh 12:42.