[lagmit gikan sa lintunganayng pulong nga nagkahulogang “kinalibang”].

Tingali usa ka dapit sa Moab nga gitagnang makaagom ug katalagman pinaagi sa espada. Sa Jeremias 48:​2, “Ikaw, usab, Oh Madmen, pagpakahilom,” maoy hubad sa Hebreohanong prase nga gam-madh·menʹ tid·domʹmi. Daghang eskolar nagtuo nga ang unang letra nga m sa madh·menʹ (“Madmen”) maoy dili-tinuyo nga pagsubli gikan sa unang pulong (gam). Kon wala ang unang letra nga m, ang mga konsonante sa Madmen pareho ra nianang sa Dimon, ug busa, ang Madmen kasagarang giisip nga mao ra ang Dimon (lagmit, Dimna, mga 10 km [6 mi] sa A sa Karak). Apan, tingali ang Madmen wala magtumong sa usa ka aktuwal nga dapit, sanglit ang mga hubad sa Gregong Septuagint, Syriac nga Peshitta, ug sa Latin nga Vulgate nag-ingon nga ang karaan nga Hebreohanong teksto mabasa, ‘Oo, ikaw [Moab] bug-os nga pahilomon.’