Mga mahistrado sibil (Gr., po·li·tarʹkhai) nga sa ilang atubangan si Jason ug ang ubang mga Kristohanon gitaral sa magubtanong panon didto sa Tesalonica. (Buh 17:5-8) Bahin sa paggamit sa Gregong termino, si G. Ernest Wright nag-ingon: “Ang usa ka inskripsiyon nga diha niini nga ganghaan [ang Ganghaan sa Vardar nga gikan sa Tesalonica], nga karon atua sa British Museum, naghisgot sa pipila ka opisyal sa siyudad nga gitawag ug ‘mga politarko’. Ang daghang ubang mga inskripsiyon aduna usab niining pulonga. Sa Buhat 17:6 kini nga termino gigamit usab ingong ngalan sa mga opisyal nga sa ilang atubangan ang mga Kristohanon gitaral sa panahon sa kagubot nga nahitabo tungod sa pagsangyaw ni Pablo. Sa kasukwahi, kini nga pulong dili makita diha sa naglungtad nga Gregong mga literatura apan gipamatud-an sa arkeolohikanhong impormasyon nga tukma ang asoy ni Lucas niining bahina.”​—Biblical Archaeology, 1962, p. 260; tan-awa ang ARKEOLOHIYA (Maylabot sa Kristohanon Gregong Kasulatan).