[lagmit gikan sa lintunganayng pulong nga nagkahulogang “naluya; nasakit”].

Anak nga lalaki ni Elimelek ug Noemi. Sa panahon sa gutom sa mga adlaw sa mga Maghuhukom, siya mibalhin uban sa iyang mga ginikanan gikan sa Betlehem sa Juda ngadto sa Moab. Didto nagminyo si Malon kang Ruth nga Moabihanon, apan si Malon namatay nga walay anak. (Ru 1:1-5; 4:10) Si Ruth mipauli sa Juda kauban sa iyang ugangang babaye ug, agig pagsunod sa balaod sa pagminyo sa suod nga kabanay sa namatayng bana, siya nagminyo kang Boaz. (Ru 4:​9, 10; Deu 25:​5, 6) Ang linya sa banay nga misangpot gikan niini nga kaminyoon nagpatungha kang David ug sa ulahi kang Jesu-Kristo.​—Ru 4:22; Mat 1:​5, 6, 16.