[Heb., chal·la·muthʹ].

Usa ka tanom nga mabuhig dugay nga kapamilya sa hollyhock. Ang kahoyong mga lindog sa malvavisco (Althaea officinalis) adunay gitas-on nga 1.8 m (6 p). Ang dagko, lagpad nga dahon niini nga tanom may mga kibhang ug talinis ug tumoy. Ang mga lindog ug mga dahon napuno sa humokon nga balhibo. Ang pughawon-rosas, lima ka gihay nga bulak may gilapdon nga mga 5 sm (2 pul.). Sa mga panahon sa gutom, ang puti nga samag-karot nga gamot sa malvavisco gihimong pagkaon. Ang bugtong paghisgot sa Kasulatan sa malvavisco maoy maylabot sa pagkatab-ang niini.​—Job 6:6.

Ang Hebreohanong termino nga chal·la·muthʹ, nga makaplagan lamang sa Job 6:​6, gihubad sa lainlaing paagi ingong “itlog” (AS, KJ), “purslain” (AT), ug, ingon sa paghubit sa Hebreohanon ug Aramaikong leksikon ni L. Koehler ug W. Baumgartner, “malvavisco” (Lexicon in Veteris Testamenti Libros, Leiden, 1958, p. 304).