Usa ka kaliwat ni Sem pinaagi kang Aram. (Gen 10:​22, 23; 1Cr 1:​17, Sy ug sa unom ka Heb. nga manuskrito) Sa 1 Cronicas 1:17 ang Masoretikong teksto mabasa nga “Mesek” inay nga “Mas.” Apan lagmit nga kini maoy usa ka sayop sa magkokopya, sanglit si Mesek gitala man ingong “anak nga lalaki” ni Japet.​—Gen 10:2; 1Cr 1:5.

Gihunahuna sa pipila nga si Mas ug ang iyang mga kaliwat nalangkit sa Mons Masius, usa ka bukirong rehiyon sa amihanang Mesopotamia nga gihisgotan sa Gregong geograpo nga si Strabo. (Geography, 16, I, 23) Gituohan sa uban nga ang Mas maoy usa ka dapit sa Siro-Arabianhong desyerto nga gitawag nga “(nasod sa) Mash” diha sa Asiryanhong mga talaan sa kasaysayan ug gihubit ingong “ang desyerto diin masinati ang grabeng kauhaw, diin gani walay mga langgam sa kalangitan ug bisan ihalas nga mga asno (ni) mga gasela nga nanibsib.”​—Archaeology and the Old Testament, ni M. F. Unger, 1964, p. 98; Ancient Near Eastern Texts, giedit ni J. B. Pritchard, 1974, p. 299.