Usa ka kaliwat ni Abraham pinaagi kang Ismael. (Gen 25:12-14; 1Cr 1:​29, 30) Ang mga kaliwat ni Masa lagmit nanimuyo sa usa ka dapit sa A sa Arabia. Diha sa mga talaan sa kasaysayan ni Tiglat-pileser III, ang Masʼa (Masa sa Bibliya?) gihisgotan uban sa Tema ug sa ubang mga dapit sa  A sa Arabia. (Ancient Near Eastern Texts, giedit ni J. Pritchard, 1974, p. 283) Ang Masa gituohan nga mao ang Ma·sa·noi nga sumala pa sa Gregong geograpo nga si Ptolemy (ikaduhang siglo K.P.) nahimutang sa AS sa “Duma” (ang dapit sa Dumat al-Ghandal sa A sa Arabia?).

Ang Hebreohanong pulong nga mas·saʼʹ makita usab sa Proverbio 30:1 (may tinong artikulo nga ha) ug sa Proverbio 31:1 (walay artikulo). Tungod niini mitungha ang mga hubad nga ‘Agur nga anak nga lalaki ni Jakeh, sa Masa’ ug ‘Lemuel nga hari sa Masa.’ (Itandi ang AT, JB, Ro, RS o ang ilang lain nga mga hubad.) Apan, dayag nga si Agur ug Lemuel maoy mga Israelinhon, ug busa, ang mas·saʼʹ tukmang gihubad nga “orakulo” (AS), “pahayag” (Yg), ug “mabug-at nga mensahe” (NW; itandi ang Pr 30:​5, 9; 31:30 sa Sal 12:6; Rom 3:​1, 2).