[Gasa ni Jehova].

1. Usa ka Levihanon nga nagpatugtog ug alpa sa dihang ang arka sa pakigsaad gidala sa Jerusalem gikan sa balay ni Obed-edom. (1Cr 15:17-21, 25) Lagmit siya mao ra usab ang Matitias nga lakip sa Levihanong mga maghohoni nga gibutang ni David atubangan sa Arka “aron sa paghinumdom ug sa pagpasalamat ug pagdayeg kang Jehova nga Diyos sa Israel” (1Cr 16:​4, 5) ug mao usab ang gipili sa ulahi pinaagig ripa gikan sa mga anak nga lalaki ni Jedutun aron mangulo sa ika-14 nga dibisyon sa 12 ka Levihanong mga maghohoni.​—1Cr 25:​1, 3, 9, 21.

2. Usa ka Kohatnong Levihanon sa banay ni Kore ug ang panganay nga anak nga lalaki ni Salum. Kini nga Matitias maoy lakip sa mga Levihanon nga namalik gikan sa pagkadestiyero sa Babilonya ug “maoy sinaligan sa mga butang nga giluto diha sa mga kalaha.”​—1Cr 9:​31, 32.

3. Usa ka Levihanon o saserdote nga nagtindog tupad sa tuong kamot ni Esdras sa dihang ang magkokopya nagbasa sa Balaod ni Moises ngadto sa mga Hudiyo nga nagkatigom sa Jerusalem.​—Neh 8:​1, 4.

4. Usa ka Israelinhon sa “mga anak ni Nebo” nga lakip niadtong nangasawa ug langyawng mga asawa apan nagpapahawa kanila “uban sa mga anak” niini sa adlaw ni Esdras.​—Esd 10:​25, 43, 44.