Sa kapin sa usa ka gatos ka elemento nga nailhan sa tawo, kapin sa 75 porsiyento niini maoy mga metal. Ang bulawan, plata, tumbaga, puthaw, ug ang tingga tanan espesipikong gihisgotan sa Kasulatan. Ang unang paghisgot sa Bibliya  bahin sa mga metal makaplagan sa Genesis 2:11 ug 4:22.

Bahin sa pisikal nga mga kinaiyahan niini, ang mga metal maoy dili-sihag, matunaw, ug daling salsalon; kini maoy sinaw ug sagad nga maayong agianan sa init ug elektrisidad. Sa kemikal ug pisikal nga paagi ang mga metal adunay pipila ka talagsaong mga kinaiyahan. Alang sa espesipikong impormasyon ug Kasulatanhong mga reperensiya, tan-awa ang tagsatagsa ka artikulo sa mga metal nga gihisgotan sa gisundan nga parapo; usab ang ulohang PAGDALISAY, TIGDALISAY.