SA NAGHINAPOS ang unang siglo K.P., diha sa makapahinuklog nga paagi, ang nabanhaw nga si Jesu-Kristo nagpakitag dulot nga interes sa iyang dinihogang mga sumusunod nga dinhi pa sa yuta. Sa unsang paagi? Pinaagi sa pagtultol sa tigulang nga si apostol Juan sa pagsulat ug mga sulat ngadto sa “pito ka kongregasyon nga anaa sa distrito sa Asia.” (Pin 1:1-4) Kadtong mga sulata naundan sa gikinahanglan kaayong pagdasig, tambag, ug pasidaan.

Karong adlawa, mga kagun-oban na lamang ang makaplagan sa mga dapit sa kadaghanang mga siyudad diin didto nahimutang ang maong mga kongregasyon. Bisan pa niana, kini nagpamatuod nga ang nahisulat naghisgot sa tinuod nga mga dapit, aktuwal nga mga kahimtang, ug mga tawo nga tinuod gayong nagkinabuhi. Apan, ang ilabinang makapaikag mao nga kining mga mensahea nagpunting sa mga kahimtang nga maglungtad unya diha sa Kristohanong kongregasyon sa umaabot nga panahon.