[Ang Diyos Naghatag].

1. Pangulo sa tribo ni Isacar; anak nga lalaki ni Zuar. (Num 1:​8, 16) Niini nga katungdanan, iyang gidumala ang pagrehistro sa tribo ni Isacar didto sa kamingawan, gitanyag ang iyang gasa sa dihang giinagurahan ang halaran sa tabernakulo, ug gipangulohan ang 54,400 ka kasundalohan.​—Num 2:​5, 6; 7:​11, 18-23; 10:15.

2. Ikaupat nga ginganlang anak nga lalaki ni Jese ug magulang ni Haring David.​—1Cr 2:13-15.

3. Usa ka Levihanon kansang anak nga lalaki nga si Semaias maoy usa ka sekretaryo sa panahon sa paghari ni David.​—1Cr 24:6.

4. Usa ka saserdote nga nagpalanog sa trompeta atubangan sa arka sa pakigsaad diha sa parada nga nag-uban niini paingon sa Jerusalem.​—1Cr 15:24.

5. Usa ka Levihanong magbalantay-sa-ganghaan sa panahon ni David nga gitudlo sa H sa sangtuwaryo diin nahimutang ang mga balay-tipiganan; ikalimang anak nga lalaki ni Obed-edom.​—1Cr 26:​4, 8, 15.

6. Usa ka prinsipe nga gipadala ni Haring Jehosapat aron sa pagtudlo sa balaod ni Jehova diha sa mga siyudad sa Juda.​—2Cr 17:7-9.

7. Usa ka pangulong Levihanon nga miamot ug mga hayop aron ihalad diha sa dakong pagsaulog ni Josias sa Paskuwa.​—2Cr 35:​9, 18, 19.

8. Pangulo sa saserdotehanong balay sa amahan ni Jedaia sa mga adlaw ni Joiakim nga manununod ni Jesua.​—Neh 12:​12, 21.

9. Usa ka saserdote taliwala sa mga anak nga lalaki ni Pasur nga nagkuhag langyawng mga asawa apan nagpapahawa kanila tungod sa awhag ni Esdras. (Esd 10:​22, 44) Lagmit mao ra ang Num. 10.

10. Usa ka maghohoni diha sa usa sa mga parada nga nagsaulog sa pagkatukod pag-usab sa paril sa Jerusalem sa adlaw ni Nehemias. (Neh 12:​31, 35, 36) Lagmit mao ra ang Num. 9.