Ang kasapaan alang sa irigasyon nga misanga gikan sa suba sa Nilo. (Ex 7:19; 8:5; Sal 78:44) Ang Hebreohanong pulong sa kasapaan sa Nilo (yeʼo·rimʹ) mao ang plural nga porma sa yeʼorʹ (ang suba sa Nilo). Ang ekonomiya sa Ehipto bug-os nagdepende sa Nilo nga maoy nagtagana ug tubig alang sa irigasyon diha sa halos walay ulan nga yuta ug nagpabaha kanunay sa yuta, nga nagpondo ug tabunok nga binanlas. Ang suplay sa pagkaon sa nasod nag-agad niini nga paagi. Busa ang paghimo sa katubigan niini ingong dugo miresulta ug katalagman sa nasod, maingon nga ang paghubas sa kasapaan sa Nilo maoy tilimad-on sa katalagman.​—Isa 19:6; tan-awa ang NILO.