Usa ka sukod sa butang nga mala nga katumbas sa ikanapulo nga bahin sa usa ka ephah. (Ex 16:​16, 18, 22, 32, 33, 36) Ang ephah nga sukod gibanabana nga 22 L. Kini gipasukad sa arkeolohikanhong ebidensiya maylabot sa gidaghanon nga masulod sa bath, ang likidong sukod nga katumbas sa ephah. (Itandi ang Eze 45:​10, 11.) Busa ang sukod nga omer katumbas sa 2.2 L.

Ang pagtandi sa Hebreohanong teksto sa Exodo 29:40 ug Numeros 28:5 nagbutyag nga ang “ikanapulo ka bahin” nagpasabot sa ikanapulo sa usa ka ephah, o usa ka omer. Kini ang pasukaranan sa paghubad sa Hebreohanong “ikanapulo ka bahin” ingong “ikanapulo sa usa ka ephah.”​—Num 15:​4, AT, NW, Ro, JP.