[lagmit, Kapatagan (Patag nga Yuta)].

Ang pinamubo sa “Padan-aram” (Gen 35:9; 48:7); lagmit mao ra ang “yuta sa Sirya [Aram].” (Gen 28:​6, 7; Os 12:12) Ang Padan maoy usa ka rehiyon palibot sa siyudad sa Haran sa amihanang Mesopotamia. (Gen 28:​7, 10; 29:4) Bisan tuod nga giisip sa pipila nga managsama ra ang Padan ug ang Aram-naharaim, lagmit gayod nga ang Padan maoy usa ka bahin sa Aram-naharaim. (Gen 24:​10, ftn sa Rbi8; 25:​20, ftn sa Rbi8) Mahimong mao kini ang kahimtang tungod kay ang Aram-naharaim naglakip ug kabukiran, nga dili mohaom sa Padan, kon husto ang pagsabot sa ngalan niini nga nagkahulogang “kapatagan,” “patag nga yuta.”​—Num 23:​7, ftn sa Rbi8; Deu 23:​4, ftn sa Rbi8.

Ang patriarkang si Abraham temporaryong mipuyo didto sa Haran sa Padan. (Gen 12:4; 28:​7, 10) Sa ulahi, ang iyang anak nga lalaki nga si Isaac ug dayon ang iyang apo nga si Jacob nangasawa gikan sa mga anak sa iyang mga paryente didto. (Gen 22:20-23; 25:20; 28:6) Si Jacob mismo migugol ug 20 ka tuig sa Padan sa pag-alagad sa iyang ugangang lalaki nga si Laban. (Gen 31:​17, 18, 36, 41) Samtang nagpuyo didto, siya nanganak kang Dina ug sa 11 ka anak nga lalaki. (Gen 29:20–​30:24) Ang iyang ika-12 nga anak nga lalaking si Benjamin natawo sa Canaan.​—Gen 35:16-18, 22-26; 46:15; 48:7.