Ang pagsakmit, pagdala, ug pagtener sa usa ka tawo nga supak sa iyang kabubut-on pinaagig supak sa balaod nga paggamit sa kusog, limbong, o panghadlok. Ilalom sa Moisesnong Balaod ang pagdagit maoy usa ka salaod nga may silot nga kamatayon. Kon ang usa ka tawo magdagit sa usa ka tawo ug magbaligya kaniya, o kon ang tawong gidagit makaplagan uban kaniya, ang nagdagit pagapatyon. (Ex 21:16; Deu 24:7) Una pa ihatag kini nga balaod ngadto sa Israel, ang anak nga lalaki ni Jacob nga si Jose, nga gibaligya ngadto sa pagkaulipon, nahimong biktima sa pagdagit. (Gen 37:​27, 28; 40:15) Sa ulahi, kini nga pagdagit gihimo sa Diyos nga usa ka panalangin alang kang Jose didto sa Ehipto, ug gipasaylo ni Jose ang iyang mga igsoon tungod sa ilang daotang buhat.​—Gen 45:​4, 5.

Sa pagsulat ngadto kang Timoteo, si apostol Pablo miingon nga “ang balaod gipakanaog, dili alang sa tawong matarong,” kondili alang sa mga tawong malinapason, lakip na ang mga mananagit ug tawo.​—1Ti 1:8-11.