Usa sa mga pulong nga misteryosong gisulat diha sa bungbong sa palasyo ni Belsazar ug gibasa ug gihubad ni Daniel. (Dan 5:25) Kini mao ang plural nga pulong sa “Peres,” nga nagkahulogang “tunga sa siklo,” usa ka bahin sa usa ka siklo. Sa paghubad, si Daniel wala mogamit sa plural nga “Parsin,” apan migamit sa singular nga porma (Peres). (Dan 5:28) Lagmit tungod kini kay si Belsazar lamang ang didto niadtong higayona nga namati sa pagpatin-aw sa manalagna sa matagnaong mensahe, bisan tuod kini gipadapat ngadto sa duha ka magmamando sa Imperyo sa Babilonya nga si Belsazar ug Nabonido.​—Tan-awa ang PERES, II.