[Si Jah Nagbukas].

Hari sa Israel didto sa Samaria, anak nga lalaki ug manununod ni Menahem. Ang iyang mubong pagmando sulod sa duha ka tuig (mga 780-779 W.K.P.) nailado tungod sa idolatrosong pagsimba sa nating baka sama nianang giduso ni Jeroboam ug gitugotan ni Menahem. Ang luyoluyo nga komandante ni Pekahias nga si Peka nakigkunsabo batok kaniya, mipatay kaniya, ug misugod sa paghari puli kaniya.​—2Ha 15:22-26.