Ang pinuy-anan ni Balaam, ang manalagna nga misulay sa pagtunglo sa Israel. Ang Petor nahimutang “haduol sa Suba,” lagmit ang Euprates, sa “Aram-naharaim” (Masoretikong teksto) o “Mesopotamia” (LXX). (Num 22:5; 23:7; Deu 23:​4, ftn sa Rbi8) Gituohan sa kadaghanan nga kini mao ang “Pitru” sa Asiryanhong mga inskripsiyon. Ang Pitru nahimutang duol sa Suba sa Sajur, usa ka kasadpang suba nga nag-agos paingon sa Euprates sa H sa Carkemis. Apan, ang nahimutangan niini diha sa Sajur mohaom lamang sa kahubitan sa Bibliya kon ang rehiyon nga ginganlan ug “Aram-naharaim” o “Mesopotamia” miabot pa hangtod niining dapita sa K sa Euprates.