Sumala sa mga sinulat ni Josephus, kini nga portiko sa sinugdan gitukod ni Solomon diha sa hinimog-tawo nga bungdo sa S nga bahin sa templo. Apan ang portiko nga naglungtad sa unang siglo K.P. gituohan nga lakip sa gihimong pagpanukod pag-usab ni Herodes. (Jewish Antiquities, VIII, 95-98 [iii, 9]; XX, 219-221 [ix, 7]; The Jewish War, I, 401 [xxi, 1]; V, 184-189 [v, 1]) Sa Pista sa Pagpahinungod sa panahon sa tingtugnaw sa 32 K.P., si Jesus giatubang sa mga Hudiyo diha sa portiko ni Solomon nga namugos nga ipaila niya ang iyang kaugalingon ingong ang Kristo. (Ju 10:22-24) Human sa pagkayab ni Jesus sa mga langit, ang iyang mga tinun-an nagkanunayan niini nga dapit, dayag aron sa pagwali ngadto sa mga Hudiyo nga atua didto.​—Buh 3:11; 5:12; HULAGWAY, Tomo 2, p. 745.