Ang titulo sa usa ka pangunang opisyal sa Imperyo sa Babilonya sa panahon nga gilaglag ang Jerusalem niadtong 607 W.K.P. Ang titulo nahibaloan diha sa nakalotan nga mga inskripsiyon. Si Nergal-sarezer nga Rabmag maoy usa sa mga tawo nga membro sa linaing hukmanan nga gilangkoban sa hataas nga mga prinsipe sa Babilonya nga naglingkod sa hukmanan diha sa Tungatungang Ganghaan sa Jerusalem human mapukan ang siyudad ngadto kang Nabucodonosor ug kinsa gihisgotan labot sa pagpagawas kang Jeremias aron itugyan ngadto kang Gedalias.​—Jer 39:​3, 13, 14.