[Magkakaro].

1. Usa ka Benjaminhong anak nga lalaki ni Rimon nga Beerotnon. Si Rekab ug ang iyang igsoong lalaki nga si Baana, nga parehong kapitan sa pundok sa mga bandido, nagbuno kang Is-boset nga anak nga lalaki ug manununod ni Saul, ug nagdala sa iyang ulo ngadto kang David kay naglaom nga makabaton ug pabor, apan gipapatay sila ni David tungod sa ilang daotang gibuhat batok sa usa ka tawong matarong.​—2Sa 4:​2, 5-12.

2. Usa ka Kenihanong amahan o katigulangan sa kauban ni Jehu nga si Jehonadab ug katigulangan sa mga Rekabita.​—1Cr 2:55; 2Ha 10:​15, 23; Jer 35:​6, 8, 14, 16, 18, 19; tan-awa ang REKABITA.

3. Amahan o katigulangan ni Malkias nga mitabang kang Nehemias sa pag-ayo sa usa ka ganghaan sa paril sa Jerusalem. (Neh 3:14) Kon siya mao  ra ang Rekab nga Num. 2, ang presensiya ni Malkias sa Jerusalem magpamatuod sa katumanan sa saad ni Jehova alang sa mga Rekabita nga makaplagan sa Jeremias 35:19.