Usa ka binakbakan o binaldosahan nga dapit diha sa Jerusalem diin ang Romanong si Gobernador Poncio Pilato milingkod sa lingkoranan-sa-paghukom sa dihang si Jesu-Kristo gihusay atubangan kaniya. (Ju 19:13) Sa Hebreohanon, ang dapit gitawag ug “Gabbatha,” usa ka pulong nga dili matino ang gigikanan ug lagmit nagkahulogang “bungtod,” “hataas nga dapit,” o “hawan nga dapit.” Ang Gregong ngalan niini, Li·thoʹstro·ton (Salog nga Bato), mahimong magtumong sa usa ka binaldosahan nga salog nga lainlaig disenyo ug bulok, nga mosayko ang pagkadisenyo.

“Ang Salog nga Bato” diin miatubang si Jesus kang Pilato tingali maoy usa ka dapit nga nalangkit sa “palasyo sa gobernador.” (Ju 19:​1-13) Lagmit kini maoy usa ka hawan nga dapit sa atubangan sa palasyo ni Herodes nga Bantogan; mas gituohan sa pipila ka eskolar nga kini maoy usa ka luna nga duol o usa ka sentro nga sawang sa sulod sa Torre sa Antonia, sa AK nga dapit sa templo. Apan ang eksaktong dapit sa Salog nga Bato nagpabiling wala mahibaloi.​—Tan-awa ang ANTONIA, TORRE SA; PALASYO SA GOBERNADOR.