[pinamubo sa Semaias, nga nagkahulogang “Si Jehova Namati (Nagpatalinghog)”].

1. Ang pangulo nga naghawas sa tribo ni Ruben nga gipadala ni Moises ngadto sa Yutang Saad ingong usa ka espiya; anak nga lalaki ni Zacur. Siya miduyog sa siyam ka uban pang mga espiya sa pagpaluya sa mga Israelinhon aron sila dili magbaton ug pagtuo nga si Jehova magwagtang sa ilang mga kaaway gikan sa Canaan.​—Num 13:2-4, 28, 29.

2. Usa ka anak nga lalaki ni David nga lakip niadtong gipakatawo ni Bat-seba, busa pursosong igsoon ni Haring Solomon. (2Sa 5:​13, 14; 1Cr 14:​3, 4) Siya kas-a gitawag ug Simea.​—1Cr 3:5.

3. Usa ka Levihanon sa linya ni Jedutun kansang anak nga lalaki o kaliwat nga si Abda mipuyo sa Jerusalem human sa pagkadestiyero sa Babilonya. (Neh 11:17) Siya gitawag ug Semaias sa 1 Cronicas 9:16.

4. Usa ka saserdote nga nangulo sa balay o banay sa amahan ni Bilga sa mga adlaw ni Joiakim nga manununod ni Jesua.​—Neh 12:​12, 18.