[Koneho sa Kabatoan].

Anak nga lalaki ni Azalias ug usa ka sekretaryo sa hari. Niadtong 642 W.K.P., gipaadto ni Haring Josias si Sapan ug ang duha pa ka ubang opisyal ngadto sa Hataas nga Saserdoteng si Hilkias uban ang mga instruksiyon sa pag-ayo sa templo. Niining higayona, gihatag ni Hilkias ngadto kang Sapan “ang basahon sa balaod,” lagmit ang orihinal, nga bag-o pang nakaplagan didto sa templo. Wala madugay human mabasa ni Sapan ang usa ka bahin sa Balaod ngadto kang Josias, siya ug ang iyang anak nga lalaki nga si Ahikam, lakip sa uban pa, gipadala ni Josias ingong usa ka delegasyon aron sa pagpakisayod maylabot sa katuyoan ni Jehova alang sa Juda. Sila miadto sa babayeng manalagna nga si Hulda ug gitaho pagbalik ngadto sa hari ang tagna ni Jehova nga modangat gayod ang kalaglagan, apan dili sa panahon sa paghari ni Josias.​—2Ha 22:3-20; 2Cr 34:8-28.

Mopatim-aw nga ang mga anak nga lalaki ni Sapan nga si Ahikam (Jer 26:24), Elasa (Jer 29:1-3), ug Gemarias (Jer 36:10-12, 25) maoy mga tigpaluyo usab sa matuod nga pagsimba. Apan dili ingon niana ang iyang anak nga lalaki nga si Jaazanias. (Eze 8:​10, 11) Ang apo nga lalaki ni Sapan nga si Gedalias mao ang mahinadlokon-sa-Diyos nga gobernador nga gitudlo human sa pagkapukan sa Jerusalem.​—2Ha 25:22; Jer 39:14.