[1-4: Mananoy nga Honi].

1. Usa ka anak nga lalaki ni Hebron ug amahan ni Raham sa linya sa mga kaliwat ni Juda pinaagi kang Caleb.​—1Cr 2:42-44.

2. Usa ka kaliwat ni Ruben.​—1Cr 5:​3, 8.

3. Pangulo sa usa ka panimalay nga Benjaminhon nga nanimuyo sa Aijalon ug usa niadtong nag-abog sa mga molupyo sa Gat. (1Cr 8:​12, 13) Lagmit nga mao ra usab si Simei diha sa 1 Cronicas 8:​21, nga gipaila ingong amahan sa siyam ka anak nga lalaki.​—1Cr 8:19-21.

4. Usa sa unom nga nagtindog sa tuong kiliran ni Esdras sa dihang iyang gibasa ang Balaod ngadto sa nagkatigom nga katawhan; lagmit nga usa ka saserdote.​—Neh 8:4.

5. Usa ka siyudad sulod sa habagatang teritoryo sa Juda (Jos 15:​21, 26), lagmit nga mao ra usab ang Sheba nga sakop nga siyudad sa Simeon. (Jos 19:​1, 2) Ang pipila nagtuo nga kini mao ra usab ang Jesua ug nga kini mao ang Tell es-Saʽweh (Tel Yeshuʽa), mga 15 km (9.5 mi) sa SAS sa Beer-seba.