Usa ka utlanan sa teritoryo nga gipuy-an sa mga kaliwat ni Joktan. Ang Bibliya nag-ingon: “Ug ang ilang dapit nga puloy-anan nagsukad sa Mesa hangtod sa Separ, ang bukirong rehiyon sa Sidlakan.” (Gen 10:​29, 30) Ang usa ka dapit nga gituohang nahimutangan niini mao ang Zafar (kaulohan kanhi sa Himyarinhong mga hari) sa Yemen, mga 160 km (100 mi) sa AS sa habagatang tumoy sa Pulang Dagat. Ang lain mao ang usa ka siyudad daplin sa baybayon sa Mahra, sa Dagat sa Arabia. Apan ang tukmang nahimutangan sa karaang Separ nagpabiling dili tino.