Usa ka dapit diin gitagna nga maggikan ang natibulaag nga mga Israelinhon sa dihang moabot na ang panahon nga sila mopuyo sa ilang yutang natawhan ug ipasig-uli kini sa maayong kahimtang. (Isa 49:12) Ang paghisgot sa A ug sa K diha sa samang bersikulo nagpakita nga ang Sinim nahimutang sa H o sa S sa yuta sa Israel. Inay nga “Sinim,” mabasa sa Gregong Septuagint ang “yuta sa mga Persianhon,” nga mahimong maglakip sa Elam, nga gitawag ug Si-nim sa Karaang Akadianhon. (Itandi ang Isa 11:11.) Sa laing bahin, ang mabasa sa mga Targum ug sa Latin nga Vulgate maoy “[yuta] dapit sa habagatan.” Ang pipila ka eskolar nagtuo nga kini mao ang Syene (Eze 30:6) sa habagatang tumoy sa Ehipto. Apan ang nahimutangan sa Sinim dili matino.