Ang karaang Sidonianhon nga ngalan alang sa Bukid sa Hermon, nga gitawag ug Senir sa mga Amorihanon. (Deu 3:9) Ang ngalang Sirion makita diha sa Ugaritikong mga teksto nga makaplagan sa Ras Shamra daplin sa kabaybayonan sa amihanang Sirya, sa ingon nagpaluyo sa pagkatukma sa Bibliya. Sama sa Senir, ang Sirion tingali nagtumong usab sa usa ka bahin sa Bukid sa Hermon.  (Itandi ang 1Cr 5:23.) Sa Salmo 29:6 ang Sirion ug Lebanon magkaubang gihisgotan. Tungod niini, gituohan nga ang Sirion tingali nagtumong sa Kabukiran sa Anti-Lebanon.​—Tan-awa ang HERMON.