Ang Hebreohanong pulong niini nga sha·lishʹ daw may kalangkitan sa lintunganayng pulong nga nagkahulogang “tulo.” (Itandi ang Ex 14:​7, ftn sa Rbi8.) Busa, ang plural nga pormang sha·li·shimʹ sa 1 Samuel 18:6 gihubad sa lainlaing paagi ingong “mga tulonggon nga tulo ang kuldas” (Ro), “tuloy-kuldas nga mga tulonggon” (Yg), ug ingon sa gipaboran sa pipila ka modernong mga leksikon o diksiyonaryo, “mga subing” (NW). Ang konteksto niini nga bersikulo nagpasabot nga kini gaan ra nga tulonggon, kay kini gipatugtog sa kababayen-an sa Israel samtang sila nanag-awit ug nanagsayaw sa pagsaulog sa mga kadaogan ni Haring Saul ug ni David.​—1Sa 18:​6, 7.