Usa ka dapit sa kamingawan diin si Solomon mihimog pagpanukod pipila ka panahon human sa 1017 W.K.P. (2Cr 8:​1, 4) Ang Tadmor sagad gituohan nga mao ang siyudad nga nailhan sa mga Grego ug mga Romano ingong Palmyra. Ang mga kagun-oban niini nahimutang diha sa usa ka tubigang dapit sa amihanang tumoy sa Desyerto sa Sirya nga mga 210 km (130 mi) sa AS sa Damasco. Ang usa ka balangay sa duol gitawag gihapon ug Tudmur sa mga Arabo. Kon husto ang pagtuo nga kini mao ang Palmyra, ang Tadmor lagmit nagsilbing usa ka garison nga siyudad sa pagdepensa sa halayong amihanan nga utlanan sa gingharian ni Solomon ug usa usab ka hinungdanong hunonganan sa nagapanawng mga panon.​—Tan-awa ang TAMAR Num. 4.