Ang gobernador sa Persianhong lalawigan sa “unahan sa Suba” sa panahon sa paghari ni Dario I (Hystaspis). Sa dihang ang mga Hudiyo nagsugod sa pagtukod pag-usab sa templo sa ikaduhang tuig ni Dario (520 W.K.P.), si Tatenai ug ang iyang mga kauban miadto sa Jerusalem aron sa paghimog usa ka imbestigasyon. Ang mga Hudiyo miapelar sa orihinal nga mando ni Ciro; busa si Tatenai misulat kang Dario nga nangutana kon gipagula ba ang maong mando, ingon sa gibarogan sa mga Hudiyo. Ang tubag nga nadawat nagpamatuod sa mando ni Ciro ug sa pagkabalido sa buluhaton sa templo, ug kini nagpasidaan kang Tatenai sa dili pagbabag kondili sa paghatag pa ug materyal nga tabang alang sa mga Hudiyo. Kini ang gibuhat ni Tatenai.​—Esd 4:24–​6:13.