[Tuong Bahin; Habagatan].

1. Usa ka kaliwat ni Esau pinaagi sa iyang panganay nga si Elipaz (Gen 36:​10, 11; 1Cr 1:​35, 36); usa ka sultan sa Edom.​—Gen 36:​15, 16, 34, 42.

2. Usa ka dapit nga gituohan sa pipila ka eskolar nga mao ang Tawilan, mga 5 km (3 mi) sa S sa Petra. Lagmit nga usa kini ka Edomhanong siyudad o distrito (ang yuta sa mga Temanhon), diin nanimuyo ang mga kaliwat ni Teman. (Gen 36:34; Jer 49:​7, 20; Eze 25:13; Am 1:​11, 12; Abd 9) Ang maong dapit nabantog ingong usa ka sentro sa kaalam.  (Jer 49:7) Sa basahon ni Habacuc, ang Diyos gihisgotan nga naggikan sa “Teman, ang Balaang Usa gikan sa Bukid sa Paran.” Kini lagmit nagtumong nga si Jehova misidlak diha sa himaya, ang iyang kahalangdon mibanaag gikan sa kabukiran samtang iyang gidala ang iyang bag-ong naporma nga nasod saylo sa Edom padulong sa Yutang Saad.​—Hab 3:​3, 4; itandi ang Deu 33:2.