1. Usa ka dapit sa kinatumyang A sa gingharian ni Solomon. (1Ha 4:24) Gituohan sa pipila nga lagmit mao kini ang Dibseh daplin sa Suba sa Euprates, mga 90 km (56 mi) sa SHS sa Aleppo ug halos pareho rag distansiya gikan sa dapit diin magtagbo ang mga suba sa Euprates ug Balikh.

 2. Usa ka dapit, lagmit nga kasikbit sa Tirza, nga gipukan ni Haring Menahem sa Israel (mga 790-781 W.K.P.). (2Ha 15:16) Ang tukmang nahimutangan niini wala mahibaloi. Ang Khirbet Tafsah, mga 10 km (6 mi) sa KHK sa karaang Sekem, susama ug ngalan niini apan daw layo na kaayo gikan sa gituohang nahimutangan sa Tirza aron mahimong lokasyon niini nga Tipsa.