1. Usa ka anak nga lalaki ni Gomer nga anak nga lalaki ni Japet, busa apo-sa-tuhod ni Noe.​—Gen 10:1-3; 1Cr 1:4-6.

 2. Mga kaliwat sa anak nga lalaki ni Gomer nga si Togarma ug ang rehiyon nga ilang gipuy-an. Diha sa awit sa pagbangotan ni Ezequiel labot sa Tiro, ang Togarma gihisgotan ingong tinubdan sa “mga kabayo ug mga kabayong iggugubat ug mga mula,” nga gibayloan sa Tiro ug mga manggad. (Eze 27:​2, 14) Gitala sa samang manalagna ang Togarma ingong lakip sa mga kaalyado ni Gog sa Magog ug gihisgotan ang nahimutangan niini ingong lakip sa katawhan didto sa “kinalay-ang mga bahin sa amihanan.”​—Eze 38:6.

Daghang komentarista ang naglangkit sa Togarma uban sa mga Armeniano. Pinasukad sa tradisyon giangkon sa mga Armeniano nga sila naggikan kang “Haik nga anak nga lalaki ni Thorgom.” Ang karaan nga Gregong mga magsusulat naghisgot sa mga Armeniano nga nabantog tungod sa ilang mga kabayo ug mga mula.