[gikan sa Gr. nga lintunganayng pulong nga nagkahulogang “pagkinabuhi sa kaluho”].

Usa ka Kristohanong babaye sa Roma nga gipangomosta ni Pablo diha sa iyang sulat ug gidayeg tungod sa iyang paghago. (Rom 16:12) Si Trifena ug Trifosa, nga gitala nga magkauban, lagmit magsoon sa unod, sanglit komon kanhi nga ang mga ngalan sa mga membro sa pamilya naggikan sa samang lintunganayng pulong, sama niini  nga pananglitan. Kining duha ka ngalan maoy komon taliwala sa kababayen-an sa panimalay ni Cesar; apan wala ipakita sa rekord kon kining duha ka babaye sakop ba niana nga panimalay.​—Flp 4:22.