1. Usa ka anak nga lalaki ni Aram ug apo-sa-tuhod ni Noe pinaagi kang Sem.​—Gen 10:​22, 23; 1Cr 1:17.

2. Panganayng anak nga lalaki ni Nahor ug Milca; pag-umangkon ni Abraham.​—Gen 22:​20, 21.

3. Anak nga lalaki ni Disan ug kaliwat ni Seir nga Horihanon.​—Gen 36:​20, 21, 28.

4. Yutang-natawhan ni Job (Job 1:1), nga gipuy-an ni Uz, apan dili gayod matino kon kini nga Uz maoy anak nga lalaki ni Aram o kaha anak nga lalaki ni Nahor. (Gen 10:​22, 23; 22:​20, 21) Ang tukmang nahimutangan niini wala mahibaloi. Ang Uz daw nahimutang duol sa Edom, nga tungod niini posible sa ulahi nga mapalapad ang dominyo sa Edom hangtod sa Uz, o posible usab nga ang pipila ka ulahing mga Edomhanon manimuyo sa “yuta sa Uz,” ingon sa gipakita sa Lamentaciones 4:21. Si Jeremias gisugo nga ipainom ang kopa sa kapungot sa Diyos ngadto sa “tanang hari sa yuta sa Uz,” ug  ang nagsunod nga konteksto naglakip sa paghisgot sa Filistia, Edom, Moab, ug Ammon. (Jer 25:​15, 17, 20, 21) Ang yutang-natawhan ni Job daling maatake sa mga Sabeanhon (gikan sa H) ug sa mga Caldeanhon (gikan sa S). (Job 1:​15, 17) Sa pagtagad niining tanan, kini magpaila sa usa ka dapit sa S sa Yutang Saad ug duol sa Edom, dapit sa A sa Arabia.