1. Ang pinuy-anang lungsod ni Jeroboam, ang unang hari sa amihanang gingharian sa Israel. (1Ha 11:26) Ang bugtong ilhanan sa nahimutangan niini mao ang mga pulong nga: “Ug diha si Jeroboam nga anak nga lalaki ni Nebat nga Epraimnon gikan sa Zereda.” Gituohan sa kadaghanan nga mao kini ang Deir Ghassana (sa rehiyon sa Epraim) diin ang kasikbit nga tubod nga gitawag ug ʽAin Seridah nagpreserbar sa ngalan niini. Kini nga dapit maoy mga 25 km (16 mi) sa HK sa Sekem.

2. Ang Zereda gihisgotan ingong nahimutang sa “Distrito sa Jordan” diha sa rekord bahin sa paghulma ug mga galamitong tumbaga alang sa templo nga gitukod ni Solomon. (2Cr 4:17) Ang samang teksto sa 1 Hari 7:46 nagpakita nga kining dapita mao ra usab ang Zaretan; ang Zereda lagmit maoy laing espeling niining ngalana.​—Tan-awa ang ZARETAN.