Unsay nagdasig kanato aron mopadayon pagsunod kang Jesus? Si apostol Pablo nagtubag: ‘Ang gugma nga iya ni Kristo nagatukmod kanato.’ (2 Corinto 5:14) Niining seksiyona atong tukion ang gugma nga nabatonan ni Kristo​—alang kang Jehova, alang sa katawhan, ug alang sa tagsatagsa kanato. Ang maong pagtuki magtukmod gayod kanato. Ang atong mga kasingkasing matukbil, ug atong bation nga natukmod sa paglihok, sa pag-uswag diha sa pagsunod sa panig-ingnan sa atong Agalon.