MAKITA mo ba kinsa ang duawon ni Dina? Moadto siya sa pagduaw sa pipila ka babaye nga nagpuyo sa yuta sa Canaan. Ang iyang amahang si Jacob malipay ba mahitungod niini?

Bueno, si Abraham dili gusto nga si Isaac mangasawag usa ka babaye gikan sa Canaan, dili ba? Ni si Isaac gusto ang iyang anak si Jacob mangasawag usa ka Canaanhong babaye. Nahibalo ka ba sa hinungdan?

Kini tungod kay ang mga tawo sa Canaan nagsimba sa bakak nga mga diyos. Dili sila maayong mga tawo nga minyoan, o batonan ingon nga suod nga mga higala. Busa si Jacob wala mahimuot nga ang iyang anak babaye nakighigala uban niining Canaanhon mga mga babaye.

Seguro gayod, si Dina nasugamak sa kadaot. Makita mo ba kangang Canaanhon nga lalaki sa hulagway? Ang iyang ngalan mao si Sechem. Usa ka adlaw niana, si Sechem midala kang Dina ug naglugos kaniya sa paghigda uban kaniya. Kini maoy sayop, tungod kay ang minyo lamang nga mga lalaki ug mga babaye ang mahimong magkatipon sa paghigda.

Ang mga igsoong lalaki ni Dina nangasuko kaayo mahitungod niini. Ang duha kanila, si Simeon ug Levi miadto sa siyudad ug gidakop ang mga lalaki pinaagi sa lipot. Sila ug ang ilang igsoong mga lalaki mipatay kang Sechem ug sa tanan uban pang mga lalaki. Si Jacob nasuko kaayo tungod sa paghimo sa iyang mga anak niini.

Sa unang paagi kining tanang kasamok nasugdan? Tungod kang Dina nga nakighigala sa mga tawo nga wala magsugot sa mga balaod sa Diyos. Kita dili usab gusto nga maghimo sa ingon nga mga higala, dili ba?