KINI ang hulagway sa usa ka paraiso nga hayan gipakita sa Diyos sa iyang manalagnang si Isaias. Si Isaias mitungha human gayod kang Jonas.

Ang paraiso nagkahulogan “tanaman” o “parke.” Dili ba kini mopahinumdom kanimo sa usa ka matahom tanaman nga gihimo ni Jehova nga Diyos alang kang Adan ug Eva? May adlaw unya ang tibuok yuta mahimong usa ka paraiso

Si Jehova misulti sa iyang manalagnang si Isaias sa pagsulat bahin sa umaabot bag-ong paraiso. Matod niya: ‘Ang mga lobo ug ang mga karnero magtipon pagpuyo sa panagdait. Ang nating mga baka ug itoy nga mga leyon magtipon sa pagkaon, ug gamayng bata moatiman nila.’

Ang pipila mibati nga dili gayod kini mahitabo. Sila nag-ingon nga adunay kanunay kasamok sa yuta, ug padayon kining mahinabo.

Apan hinumdomi, ang Diyos nagpahaluna kang Adan ug Eva sa usa ka paraiso. Kini tungod lamang sa ilang pagsupak sa Diyos nga sila nawad-an sa ilang matahom pinuy-anan. Ang Diyos nagsaad nga siya maghatag sa katawhan nga nahigugma kaniya sa mga butang gayod nga giwala ni Adan ug Eva.

Sa umaabot bag-ong paraiso, ang tagsatagsa mahimong mahimsog ug malipayon. Kini mahimong sama gayod sa gitinguha sa Diyos nga mamao sa sinugdanan. Kita makakat-on sa ulahi sa paagi sa Diyos sa pagpahinabo niini.