BAHIN 5
Pagkabihag Didto sa Babilonya Ngadto sa Pagtukod Usab sa Paril sa Jerusalem
Samtang didto sa Babilonya, ang mga Israelita nakaagom sa daghang mga pagsulay sa ilang pagtuo. Si Sadrach, Mesach ug Abednego gitambog sa hudnong nagdilaab sa kalayo, apan ang Diyos nagpagula kanilang buhi. Sa ulahi, si Daniel gitambog sa langob sa mga leyon, apan ang Diyos nagpanalipod usab kaniya.
Sa kataposan, ang Persianhong haring Ciro mipagawas sa mga Israelita. Mibalik sila sa ilang pinuy-anang yuta sa paglabay sa 70 lang ka tuig sa ilang pagkabinihag. Misugod sila sa pagtukod sa templo ni Jehova. Hinuon, tungod sa pagbalda sa ilang mga kaaway, kining buluhaton nakompleto lamang dul-an sa 22 ka tuig sa ulahi.
Sunod, atong makat-onan ang biyahe ni Esdras sa pagbalik sa Jerusalem sa pagpatahom sa templo. Kini maoy 47 ka tuig tapos ang templo mahuman. Unya, 13 ka tuig sa ulahi, si Nehemias mitabang sa pagtukod pag-usab sa paril nga nalumpag. Ang Bahin SINGKO mokobreg 152 ka tuig sa kasaysayan hangtod ning panahona.
NIINI NGA SEKSIYON
ESTORYA 77
Wala Sila Moyukbo
Luwason ba sa Diyos kining tulo ka masinugtanong batan-on gikan sa nagkalayong hudno?
ESTORYA 78
Sinulat sa Bungbong
Gipadayag ni manalagnang Daniel ang kahulogan sa upat ka misteryosong pulong.
ESTORYA 79
Si Daniel sa Langob sa mga Leyon
Gisentensiyahag kamatayon si Daniel, makalingkawas pa kaha siya niini?
ESTORYA 80
Katawhan sa Diyos Mibiya sa Babilonya
Gituman ni Haring Ciro sa Persia ang usa ka tagna dihang iyang gisakop ang Babilonya, ug karon iya na sab gituman ang lain pang tagna.
ESTORYA 81
Pagsalig sa Tabang sa Diyos
Gilapas sa mga Israelinhon ang balaod sa tawo kay ilang gituman ang Diyos. Panalanginan kaha sila sa Diyos?
ESTORYA 82
Si Mardocheo ug si Ester
Guwapa si Rayna Vasthi, pero si Haring Assuero nagpuli niya kang Ester ingong rayna. Ngano man?
ESTORYA 83
Mga Paril sa Jerusalem
Samtang magtukod pag-usab sa paril, ang mga trabahante kinahanglang magdala sa ilang espada ug bangkaw buntag ug gabii.
