Tentalon ni Satanas ang mga tawo sa pagbuhat ug daotang mga butang. Ang usa ka tawo nga buot mahimong higala sa Diyos kinahanglang magdumot sa gidumtan ni Jehova. (Salmo 97:10) Ania ang pipila ka butang nga likayan sa mga higala sa Diyos:

Seksuwal nga mga sala. “Dili ka manapaw.” (Exodo 20:14) Sayop usab ang pagpakigsekso sa dili pa ang kaminyoon.​—1 Corinto 6:18.

Paghuboghubog. Ang “mga palahubog . . . [dili] makapanunod sa gingharian sa Diyos.”​—1 Corinto 6:10.

Pagbuno, Aborsiyon. “Dili ka magbuno.”​—Exodo 20:13.

Pagpangawat. “Dili ka mangawat.”​—Exodo 20:15.

Pagpamakak. Gidumtan ni Jehova ang “dila nga bakakon.”​—Proverbio 6:17.

 Kapintasan ug Walay-Pugong nga Kasuko. “Bisan kinsa nga nahigugma sa kapintasan ginadumtan gayod [ni Jehova].” (Salmo 11:5) “Ang mga buhat sa unod [naglakip sa] . . . mga pagsinta sa kasuko.”​—Galacia 5:19, 20.

Pagpanugal. ‘Hunong sa pagpakig-uban kang bisan kinsa nga usa ka tawong dalo.’​—1 Corinto 5:11.

Rasanhon ug Etnikong mga Pagdumot. “Padayon sa paghigugma sa inyong mga kaaway ug sa pag-ampo alang sa mga nagalutos kaninyo.”​—Mateo 5:43, 44.

Ang mga butang nga gisulti sa Diyos kanato maoy alang sa atong kaayohan. Dili kanunay sayon ang paglikay sa pagbuhat ug daotang mga butang. Sa tabang ni Jehova ug sa tabang sa iyang mga Saksi, ikaw makalikay sa pagbuhat sa mga butang nga dili makapahimuot sa Diyos.​—Isaias 48:17; Filipos 4:13; Hebreohanon 10:24, 25.