LEKSIYON 18
Unsaon Pag-ila ang Tinuod nga mga Kristohanon?
Bilyonbilyon ang nangangkong Kristohanon. Pero dili sila parehas ug tinuohan ug sukdanan sa kinabuhi. Busa unsaon nato pag-ila ang tinuod nga mga Kristohanon?
1. Unsa ang Kristohanon?
Ang mga Kristohanon maoy mga tinun-an, o sumusunod, ni Jesu-Kristo. (Basaha ang Buhat 11:26.) Sa unsang paagi nila gipamatud-an nga tinun-an sila ni Jesus? Siya miingon: “Kon kanunay ninyong tumanon ang akong gitudlo, kamo ako gyong mga tinun-an.” (Juan 8:31) Nagpasabot ni nga ang tinuod nga mga Kristohanon nagsunod sa mga pagtulon-an ni Jesus. Ug sama nga gibase ni Jesus sa Kasulatan ang iyang gitudlo, gibase pod sa tinuod nga mga Kristohanon diha sa Bibliya ang ilang gituohan.—Basaha ang Lucas 24:27.
2. Sa unsang paagi ang tinuod nga mga Kristohanon nagpakitag gugma?
Giingnan ni Jesus ang iyang mga sumusunod: “Kamo maghigugmaay sama sa akong paghigugma kaninyo.” (Juan 15:12) Sa unsang paagi gipakita ni Jesus nga iyang gihigugma ang iyang mga tinun-an? Nakig-uban siya nila ug iya silang gidasig ug gitabangan. Iya pa ganing gihatag ang iyang kinabuhi para nila. (1 Juan 3:16) Sa susama, ang tinuod nga mga Kristohanon dili lang basta mosulti nga gihigugma nila ang uban. Ilang ipakita sa pulong ug buhat nga gihigugma nila ang usag usa.
3. Unsa nga buluhaton ang ginahimo sa tinuod nga mga Kristohanon?
Gihatagan ni Jesus ug buluhaton ang iyang mga tinun-an. “Iyang gipadala sila sa pagwali sa Gingharian sa Diyos.” (Lucas 9:2) Ang unang mga Kristohanon nagsangyaw, dili lang sa ilang mga dapit sa pagsimba, kondili diha pod sa ubang publikong lugar ug sa balay sa mga tawo. (Basaha ang Buhat 5:42; 17:17.) Ang tinuod nga mga Kristohanon karon nagsangyaw pod sa kamatuoran sa Bibliya bisan asa nga naay tawo. Gihigugma nila ang ilang isigkatawo, mao nga malipay silang gamiton ang ilang panahon ug kusog sa pagsangyaw sa mensahe sa Bibliya nga maghatag ug paglaom ug kahupayan.—Marcos 12:31.
TUN-IG DUGANG
Sayra kon sa unsang paagi ang tinuod nga mga Kristohanon lahi sa mga tawo nga wala magsunod sa mga pagtulon-an ug ehemplo ni Jesus.
4. Ilang gisusi ang kamatuoran sa Bibliya
Ang unang mga Kristohanon nagpabili sa Pulong sa Diyos
Dili tanang nangangkong Kristohanon nagpabili sa kamatuoran sa Bibliya. I-play ang VIDEO, ug dayon hisgoti ang mosunod nga pangutana:
-
Unsay gihimo sa ubang relihiyon nga nangangkong Kristohanon nga nakapugong sa mga tawo sa pagkat-on sa gitudlo ni Jesus?
Gitudlo ni Jesus ang kamatuoran gikan sa Pulong sa Diyos. Basaha ang Juan 18:37, ug dayon hisgoti kini nga pangutana:
-
Sumala kang Jesus, unsaon nato pag-ila ang mga Kristohanon nga “dapig sa kamatuoran”?
5. Ilang gisangyaw ang kamatuoran sa Bibliya
Ang unang mga Kristohanon nagsangyaw sa uban
Sa wala pa mosaka si Jesus sa langit, gihatagan niya ang iyang mga sumusunod ug buluhaton nga nagpadayon hangtod karon. Basaha ang Mateo 28:19, 20 ug Buhat 1:8, ug dayon hisgoti kini nga pangutana:
-
Hangtod kanus-a ug hangtod asa himoon ang buluhatong pagsangyaw?
6. Ilang gipadapat ang ilang ginasangyaw
Unsay nakakombinsir kang Tom nga iya nang nakaplagan ang tinuod nga Kristiyanidad? I-play ang VIDEO, ug dayon hisgoti ang mosunod nga mga pangutana:
-
Sa video, nganong wala na ganahi si Tom sa relihiyon?
-
Nganong kombinsido siya nga iya nang nakaplagan ang kamatuoran?
Ang ginahimo mas importante kay sa ginasulti. Basaha ang Mateo 7:21, ug dayon hisgoti kini nga pangutana:
-
Unsay mas importante kang Jesus—ang atong ginasulti o ang atong ginahimo?
7. Ilang gihigugma ang usag usa
Ang unang mga Kristohanon nagpakitag gugma sa usag usa
Tinuod ba nga naay mga Kristohanon nga nagpameligro sa ilang kinabuhi para sa ilang mga isigka-Kristohanon? I-play ang VIDEO, ug dayon hisgoti ang mosunod nga mga pangutana:
-
Sa video, unsay nakapalihok kang Lloyd nga ipameligro ang iyang kinabuhi para kang Brader Johansson?
-
Sa imong hunahuna, ang iya bang gihimo nagpakita nga tinuod siyang Kristohanon?
Basaha ang Juan 13:34, 35, ug dayon hisgoti kini nga mga pangutana:
-
Unsay pagtratar sa mga tinun-an ni Jesus (tinuod nga mga Kristohanon) sa mga tawo nga lahig rasa o nasyonalidad?
-
Unsaon na nila paghimo panahon sa giyera?
ANG UBAN MOINGON: “Ang mga Kristohanon naghimog daotan kaayong mga buhat. Unsaon nako pagtuo nga tinuod ang ilang relihiyon?”
-
Unsang teksto ang imong basahon niya nga nagpakita kon unsaon pag-ila ang tinuod nga mga Kristohanon?
SUMARYO
Ang tinuod nga mga Kristohanon nagsunod sa gitudlo sa Bibliya, nagpakitag gugma nga andam mosakripisyo, ug nagsangyaw sa kamatuoran sa Bibliya.
Review
-
Asa gibase sa tinuod nga mga Kristohanon ang ilang mga pagtulon-an?
-
Unsang hiyas ang ilhanan sa tinuod nga mga Kristohanon?
-
Unsang buluhaton ang ginahimo sa tinuod nga mga Kristohanon?
SUSIHA
Sayrag dugang ang bahin sa usa ka grupo nga naningkamot sa pagsunod sa ehemplo ug mga pagtulon-an ni Jesu-Kristo.
Basaha kon unsay nakatabang sa usa ka madre kaniadto nga makakaplag ug tinuod nga espirituwal nga pamilya.
“Gigamit Nila ang Bibliya sa Pagtubag sa Matag Pangutana!” (Ang Bantayanang Torre, Abril 1, 2014)
Sayra kon sa unsang paagi ang tinuod nga mga Kristohanon nagpakitag gugma sa ilang mga igsoon sa pagtuo nga nanginahanglag tabang.
Pagtabang sa Atong mga Igsoon Panahon sa Kalamidad—Excerpt (3:57)
Susiha kon sa unsang paagi ang giingon ni Jesus nga ilhanan sa iyang mga sumusunod makita diha sa unang mga Kristohanon ug sa tinuod nga mga Kristohanon karon.
“Unsay Timailhan sa Tinuod nga Kristohanon?” (Ang Bantayanang Torre, Marso 1, 2012)
Basin Ganahan Pod Ka
KOMON NGA MGA PANGUTANA
Unsa ang Bible Study Program nga Gina-offer sa mga Saksi ni Jehova?
Sa libreng interactive program nga gina-offer sa mga Saksi ni Jehova, puwede nimong gamiton ang bisan unsang bersiyon sa Bibliya. Puwede nimong paapilon ang tibuok pamilya o mga amigo o amiga.
