Kita makasala, mag-antos, ug mamatay tungod kay ang unang magtiayon, si Adan ug Eva, misupak sa Diyos. a Pero wala na magpasabot nga wala na tay paglaom. Si Jehova naghimog paagi nga maluwas ta gikan sa sala ug kamatayon pinaagi sa iyang Anak, si Jesu-Kristo. Ang Bibliya nagtudlo nga pinaagi sa kamatayon ni Jesus, siya naghatag ug lukat. Ang lukat ibayad aron buhian ang usa ka tawo. Ang gibayad ni Jesus mao ang iyang hingpit nga tawhanong kinabuhi. (Basaha ang Mateo 20:28.) Dihang gipadaplin ni Jesus ang iyang katungod nga mabuhi sa yuta hangtod sa hangtod, iyang giablihan ang kahigayonan nga madawat natong tanan kon unsay nawala ni Adan ug Eva. Gipakita pod ni Jesus kon unsa ka dako ang gugma niya ug ni Jehova kanato. Kini nga leksiyon motabang nga molawom ang atong apresasyon sa kamatayon ni Jesus.

1. Sa unsang paagi ang kamatayon ni Jesus makatabang nato karon?

Kay makasasala ta, daghan tag mahimo nga dili makapalipay kang Jehova. Pero kon tinuod gyod tang nagbasol sa atong mga sala ug mangayog pasaylo kang Jehova pinaagi kang Jesu-Kristo ug himoon nato ang atong maarangan nga dili na usbon ang maong mga sayop, kita masuod sa Diyos. (1 Juan 2:1) Ang Bibliya nag-ingon: “Ang Kristo namatay kausa alang sa tanang panahon para sa mga sala, usa ka matarong nga tawo alang sa mga dili matarong, aron giyahan mo ngadto sa Diyos.”—1 Pedro 3:18.

2. Sa unsang paagi ang kamatayon ni Jesus makatabang nato sa umaabot?

Gipadala ni Jehova si Jesus aron ihalad ang iyang hingpit nga tawhanong kinabuhi “aron ang tanan nga magpakitag pagtuo [kang Jesus] dili malaglag kondili makabaton ug kinabuhing walay kataposan.” (Juan 3:16) Base sa gihimo ni Jesus, wad-on ni Jehova sa dili madugay ang tanang dili maayong epekto sa pagsupak ni Adan. Nagpasabot ni nga kon magpakita tag pagtuo sa halad ni Jesus, naa tay kahigayonan nga mabuhi hangtod sa hangtod sa paraisong yuta!—Isaias 65:21-23.

 TUN-IG DUGANG

3. Tungod sa kamatayon ni Jesus, mahigawas ta sa sala ug kamatayon

1. Si Adan hingpit nga tawo nga misupak sa Diyos, ug tungod niini, ang mga tawo makasala ug mamatay

2. Si Jesus hingpit nga tawo nga nagmasinugtanon sa Diyos, ug tungod niini, ang mga tawo naay kahigayonan nga mahimong hingpit ug mabuhi hangtod sa hangtod

4. Ang kamatayon ni Jesus makatabang sa tanang tawo

 5. Ang lukat regalo ni Jehova kanimo

Para sa mga higala ni Jehova, ang lukat maoy personal nga regalo ni Jehova kanila. Pananglitan, basaha ang Galacia 2:20, ug dayon hisgoti kini nga pangutana:

• Giunsa pagpakita ni apostol Pablo nga iyang giisip ang lukat ingong personal nga regalo ni Jehova kaniya?

Dihang nakasala si Adan, siya ug ang tanan niyang kaliwat gihukman ug kamatayon. Pero gipadala ni Jehova ang iyang Anak aron mamatay, ug pinaagi niini naa kay kahigayonan nga mabuhi hangtod sa hangtod.

Samtang imong basahon ang mosunod nga teksto, imadyina kon unsay gibati ni Jehova samtang nag-antos ang iyang Anak. Basaha ang Juan 19:1-7, 16-18, ug dayon hisgoti kini nga pangutana:

• Unsay imong gibati sa gihimo ni Jehova ug ni Jesus para kanimo?

 SUMARYO

Ang kamatayon ni Jesus naghatag ug basehanan aron pasayloon ni Jehova ang atong mga sala, ug naghatag pod nig kahigayonan nga mabuhi ta hangtod sa hangtod.

Review

• Nganong namatay si Jesus?

• Sa unsang paagi katugbang nga lukat ang hingpit nga tawhanong kinabuhi ni Jesus?

• Sa unsang paagi ang kamatayon ni Jesus makatabang nimo?